硬件真的好重要

好耐無玩跑跑卡丁車啦，不過之前係珠院買嘅鍵盤真不給力！失驚無神突然轉左或轉右，好多時候當你飄完一個好靚嘅彎準備下一個彎之際，突然現形，幾神都無用啦。。。

時下嘅奸商，廿蚊嘅鍵盤好多都係翻新。為左有個健康嘅心理發展，下決心換鍵盤。上網搵左好耐，搜尋左好多資料，越睇越得人驚，講到鍵盤比滑鼠更重要咁。又分咩機械鍵盤、簿膜鍵盤，機械鍵盤之中又分白軸、黑軸、青軸等等，又有咩按距，力度，反應時間；我又唔需要買咁好嘅，買咁好之前升一升部腦仲好啦。如果要買真正嘅機械鍵盤，一係唔買，一買一定要買最好哥批。

原先係淘寶搵到PKB-1500，真係差Ｄ買左，睇過評論，再諗下，始終都係現場有得試最好，點知送貨途中會有咩意外，而且壞左要換又煩。後來，搵搵下又知道PKB-1500係大陸係冇生產，只係奸商換左鍵盤某一個零件，再拎出黎賺錢嘅鍵盤而已。另外搵到一個ＣＳ鍵盤８１１５，１００元樓下屬於性價比最高嘅鍵盤，但係今時今日已經停產了。而且好多假貨，翻新都算了。最後去左學校隔離嘅電腦城搵到，對比過假野嘅特微，搵到嘅屬於堅野，係唔係翻新就唔知啦。只要效果比廿幾蚊嘅鍵盤好，反應較佢地快就可以了。

一試：有時真係唔係話心理作用，連疾格都少左，按鍵好準好快，一時有Ｄ唔適應，不過的確買到性價比較高嘅鍵盤。機械鍵盤，諗下好了，哈哈。