廣州動物園+海洋館

今日係老闆娘牛一，生日快樂呀！

不過呢個生日就帶唔到比佢咩驚喜啦，因為自己成個月都準備考試，之後就要準備論文。咁岩大家都唔洗上堂，我就決定帶佢去動物園同海洋館。動物園我細細個成日去啦，海洋館我一次都未去過，自己都抱有好奇，因為自己一真係好中意同水有關嘅野。

天氣先生送比我地一個風和日麗嘅早上，夠我地睇曬整個海洋館，可惜下午天氣先生更年期，時晴時雨，好難受，最後我地係動物園睇左幾種動物就走啦。

廣州呢個海洋館冇乜睇頭，唯一恐怖嘅係淡水嘅巨型魚，海水魚就冇海洋公園咁靚啦。