首先主角唔係我，係我朋友。首先試車可以渣走人地部車都已經奇怪啦，原來我朋友交低按金。但我一聽到就已經替佢擔心，分分鐘賣家吞左按金仲反告你偷車。所以，幾信任都好，白紙黑字寫明係最好！
既然可以渣走部車，朋友幾名就一齊強部車，試真問題。雖然較一般街車快，但部車對於我黎講一般貨色，嚴格黎講係冇佢應有嘅ＰＯＷＥＲ。後來得知係一間唔多掂嘅車行砌出黎，連車主個腦都唔多掂。
朋友落車行問過意見後決定都係唔要啦，當晚還車時賣家要求第二日先比返按金佢，此時越黎越有問題，我離開澳門前同我朋友講句：小心佢玩野。點知，哥條撚樣真係玩野，周日還車比佢，周一早佢轉名比一名學生，下午學生渣車後部車出白煙，然後搵我朋友叫我朋友賠。我朋友又係的，呢種情況洗乜理咁多，當場屌柒佢啦！
首先，部車交返比賣家哥一刻你唔睇清楚唔試清楚，信字值幾多錢呢？有人試過轉左名搞好手續拎車哥刻先知道部車Ｄ零件被人換曬啦。咁點呀？部車你又轉左名比人，法律上都同你冇關，更唔需要涉及我朋友啦。之後又要落車行睇，又話盤花左，架冷又爛左，點點點點點咁，車行又差，連客都差！後來嘅事唔詳講，根本就唔洗浪費咁多時間。
唔係話我馬後炮，當佢同你索償哥陣就可以唔洗理佢，甚至告佢；我朋友就慘啦，整親隻腳又浪費大量時間同佢去車行，理論，仲上差館。對住呢種賣家命都短幾年。嘥氣
@!#$^-~Elmo．:+:M^_ 