臨放暑假之前，以為有得培訓基本上實有得做人口普查，但係一上培訓就知唔會請我呢種人，我髮色又唔符合，返到屋企又唔準備下一堂嘅內容，網上練習又唔認真
一知道自己冇得做人口普查頓時覺得暑假就咁玩完，收通知哥排已經８月頭，如果去搵工，咪頂多做半個月，好似唔知點咁。臨正式開始人口普查前一日，誤打誤撞，真係係地下拿返堆沙，有得做好過冇得做。
由宣誓哥日開始，就每日都要過著濕著底褲通街走嘅日子，本人最唔中意就係濕住底褲工作，仲有溫度高嘅工作環境，經常入到住戶屋企開冷氣，一冷一熱，真係少Ｄ抵抗力都頂唔住呀
頭一半每一日都過得算充實，因為好多住戶未完成。但隨著完成度越黎越多，工作量就變得越黎越少。都係哥句：佢願做嘅就會做，唔肯做嘅就始終都唔會做。不過我預左會有呢一日，因為９成以上嘅政府工都係冇所事事。
@!#$^-~Elmo．:+:M^_ 